Vote.gov-.eng ayuqelghii

Qepghallghat

Vote.gov-a igleghutistekan, ugpeqsugnalghii nakmikimun ungipat. Nakmikistem ilatellgha piiqelghii state-em pingani, Vote.gov-em igleghutaqii Amarakaghmiit ilatellghem maligsaghqaanun ellmeng katam state-ngitnun.

Amalleqa ilalkiilluteng U.S.-em Kestistengita Kayutanita Kelengakistenun (EAC), Vote.gov-em aapghwaaghaqaa party-nun ilatnganghilngughnun, ilanengllu qepghaghtenengllu state-etgunlu nemllu kestistengita qepghaghtengit.

Taagnanga

Qerngughhaat USA.gov-enkut qepghaghtengitlu ama Umiilegpagem allaaghlluwhaan Ilangi allgeghsimaat Vote.gov ugpeqegkaanguluku online-ekun nakmikistem ilatellghan atughqaa. Piinliqaq 2016-mi, Vote.gov-em iknaqughtaghaghaqii qaagkut elqughutngalghiinengllu nutaghtekanengllu igleghutikayugnengllu nakmikimun ungipaghqameng.

Aghneghmi, paniinang Vote.gov-em qerngughhii piniightaghaghaqaa kaannaqnaluki Umiilegpagem Biden-em 2021-m Kayagtellgha, Piyaqniighsaghaghnaluku Nakmikilleq. Ukut kaannaqsaghqat piniightaghaghaqiit piyaqniighsat, mumighqughaqiit nakmikistet samsugit naliinun ulunun, ama itagnaghqaqaat ivaghilleq website-angitni.