Cucuklillren assiilngaituq
Qaillun piciqa cucuklirraarluten? Kalikat-ggun ayagcetarkarpenun pillrukuvet wall’uq tungaunak, ellait aulukarkaugaat assinrullerkaanun cucuklillren. Nunarpiit cali nunavceni cucuklirviit naaqelarait cucuklillret cali cucuklillren nallunguarngaunaku.
Nunarpiit ciuliqagtait qaunqelarait cucuklillret kalikait cali assirtaciit tangrraqluki
Ayuqenritut picirkiutet nunani, taugaam nunat ellmeggnek picirkiutengqertut makunek:
- Cucukliryugngalriit kiimeng cucuklirarkaugut
- Naaqarkaugait assirluki cali qaunqumaluki
- Assirarkaugut qanercuutekun wall’u nallunairluteng pivailegmeng yugnun
- Ikayurcirluteng anguyagtet calistaitnek cat all’am yuum assiirtenritlerkaita tungiinun
- Cucuklillrita tungiinun cali assiillerkaitnun mianikluki qavcirquunrilngurtekun
Cucuklirarkat kalikait tegumiaqelarait
98%-at cucuklitulit nunarpiit iluani cucuklilartut kalikat-ggun. Calistet igautelarait nambaat cali nani cucuklirarkat pivailgata, cucukliumainanratni, kinguakun-llu cucuklirraarcelluki. Watnaaqameng ikayuutngulartuq alartenritlerkaitnun cali naaqumaarkauluteng wall’uq ataam paqluki assirtassiigluki.
Kalikat cucukliumallret assigtangqertut assilrianek
Cucuklirraarcelluki, kalikat imiumalriit, cali atullrit massiinat ayagcetlarait cucuklirviit caliviatnun. Tuani calistait naaqciqait allakarluki-llu. 22-aanek iraluni auluklarait naaqenqiggnayukluki qaillun ca piqaqan wall’uq picirkiutet malikluki cucuklillerkam tungiinun. Nallunairiluten qaillun pilauciitnek cucuklillerpet kalikai cucuklirraarluten wani: Learn more about what happens to your ballot after you vote.
Tuyuqumalriit cucuklillrit kalikait kia pinritlerkaitnun assigciumaut
Nunarpiit kalikatgun cucuklitulit assigcilarait mianikluki-llu cuculillrit kalikait. Watnaaqameng kalikat atuuyugngarivkalarait cucuklillritnun.
Maligtaquarkat makut ilakait:
- Sign-allrit-qaa ayuqait
- Ayagcetarkait-qaa ayuqait
- Barcode-ait
- Watermark-ait
- Kalikat uqamaltallrit
Cucuklirvigni calitulit ataucirqumek cucuklircetarkaugait yuut. Kina cucukliqan ataucirquunrilngurmek (i.e., kalikivigkun cali tungaunani Cucukliryaram Erenrani), atauciq kiimi naaqumaarkauguq. Malrurkugnek kina cucukliqan tegustet kangingnaqciqaat.
Cucuklirviit massiinait naspaamalartut cucuklirpailgata
Calistet cucukliryaram tungiinun naspaalarait cucuklircuutet massiinat calitassiarluki. Tamaklarmeng nunarpiit atulartut “umyuartuyaramek cali pitalqenermek” naspaatnek cucuklircuutnek massiinanek. Makut naspaallrit assirluki cucuklillerkaita tungiinun naspaatnguut.
Naspaallrit tangvagyugngaaceci. Cucuklirvigmi calitulit wani: your local election officials qalarulluki tangvagyugniluten qaillun pilauciitnek naspaaqamegtetki massiinateng. Ilaitni nunarpagni tangvagcetlarait suurcuut-ggun wall’uq tungaunaki yuut tamaancelluki.
Nunarpallugni, cucuklircuutet picircirarkaugait Cucukliryaram Ikayurtaita Calistait wall’uq naspaamaarkaugut Cucukliryaram Ikayurtaita Calistait aturluteng Cucuklircuutet Picirkiutaita Naspaatnek Calivigmi aturpailemegteki.
Nallunrilkici ikayuryugngallerpecenek cucuklillerkam assirluku pillerkaitnun tungiinun
Nallunrilkici ilait iqluquluteng qayagaulartut wall’uq igarluteng qanercuutetgun
Cucuklillerkaq tekiteqataqan, ilait qanercuutetgun igalartut cali qayagaurluteng cucuklircetaarluci ellaitnun. Qalarutengnaqciqaiceci cucuklircetaarluci ellmeggnun. Ilait akinek cikircetaatuut. Iqlungalriit watnalartut-llu. Waten nallunricugngaciqaten iqlungalriarukata:
- Qayagaulriim apciiqaaten elpet kiivet nallunritarkarpenek, Social Security numbavnek tuaten. Qanruciiqaiceci cucukliryugnganiluci ciumek qanercuutgun wall’uq alarrniluki igausngalriit elpet kiivet nallunrilketen, nallunrilkici iqlungalriarullritnek. Nallunrilkina: qanercuutetgun cucuklirciigatlerpenek wall’uq kiivet nallunrilkevnek apqaurngaitellritnek qayagaurcuutetgun.
- Qayagaulriim apciiqelliaten bank-arpet nambaanek akilircetaarluten. Ilait iqlungalriit cikiruarluten camek piciqelliaten tuyurcetaarluku-llu akiutevnek aturluni. Nambaanek bank-avet cikiqeryaqunaku kina qanercuutetgun.
- Qayagaulriim akimek cikircetaangraaten piyaqunaku allakun pisciigatninguaqaku taugaam qanercuutetgun. Iqluyukekuvgu apnguarniaran qaillun kamputelaakun nalkeyugngayugyaaqniluku.
Iqlungalriit cucuklillerkam tungiinun nallunaiqicitki
Kina tangerquvgu iqluyukekuvgu, cucuklitulit calistait nallunritevkaqiki:
- Tegustet nallunritevkaqicitki.
- Nallunritevkaqicitki nunarpavcenun wall’u nunavceni cucukliristet calistait.
- Nallunritevkaqicetki kina qayagauruaqan iqluluni cucukliristenun calinguaqan uumun local Federal Bureau of Investigation office.
- Kina iqlungnaqekan ukunun-llu tunyugngaaceci Yuut Ikayuristaita Caliviat (Civil Rights Division) Tegustet Caliviat (Department of Justice) uuggun online wall’u qanercetaatgun over the phone
Nallunritlerkaq cucuklillerkam maligtaqunritellriit piyaraitnek qaillun-llu qanruteksugngallrit.
Calistengurrluten Cucukliristengurrluten
Ikayurluki ilaten nunavceni calistengurrluten cucukliristengurrluten. Cucukliristenguruskuvet akiliryugngaatgen cali elitnaurluten. Elitnaurluten uuggun: Learn more about how to become a poll worker nunavceni.
Cali Kalikartat Ikayuutnguarkat
Cucuklirvigceci qalarulluki wall’u calistait qaillun ikayuryugngallerkaitnek cucuklillerkam assirluku pillerkaita tungiinun. Calistet anguyagtenun cali calilartut ikayurluci cucuklillerkam tungiinun: Ukut-ggun unaksugngaci: