Una igausngauq kitumun en’ailngurmun. Ilakluki cali yugnun nugtaqtaatulinun nunanun. Kamputelaariskuvet, cucuklirvigmun piyugngauten wall’uq qayagaurluki apyutengqerkuvet cucuklillerkamek. Wani nalkessugngaaten nambat: cucuklirvik nunarpagni wall'u nunavceni (kass'atun) wall’u naaqivigmek ikayungcarluten.
Ikayuritukuvet en’ailngurnek yugnek, Amiulikarmiut Council-aarit En’ailngurnun nalleksugngaaten ikayuit wani: cucuklillerkam ikayuutai (kass'atun).
Imiriqataquvet aturarkaten
Kalikartamek piyugciquten ID-mek
Nunarpiit cali nunacuaraat picirkiutengqertut ID-t piitnek. Aipaagni imirikuvet kalikanek ID-ryaraiciiqelliuten, tauggam nunarpiit pingqerarkaugut. Wani paqcugngaaten picirkiutet: nunavci picirkiutai paqniaraten (kass'atun). Cucuklirvik nunavceni apcugngaan ID-mek cakucimek aturyugngallerpenek cucukliquvet.
ID-rilkuvet mi?
ID-nek pitulit akalriarvigmi paqluki kalikartanek piyugngauten, akalrianek atuyuilengerpet. Akilirarkauguten taugaam ID-mek pikuvet, ilait taugaam caliviit ikayuryugngalliatgen pisciigalliqekuvet. Ilait nunarpiit ID-nek cikiqenglartut en’ailngurnun akiliryaraunateng.
Tuyuqarkaitnun natmun pingqerrarkauguten
Tuyuqsugngavkarluki kalikat nunavni piarkaugaten. Enengunrilngermi cangaituq. Allamun enemun tuyuqevkaryugngaaten.
Makut aturyugngaaten kalikanek tuyuqekatgen:
- Canimetellria uitavik, tamaani uitayuilengerpet
- Agayuvik canimetellria
- Kalikivigmun Ayagcetarkaq (kass'atun), kalikivigpeci pivkaqaceci
- Assigtamek kalikivigmi canimelkiinek uitavigpet
- Ilangqerkuvet uitaviat aturyugngaan kalikanek unangyukuvet
Igaucugngaan imirarkani nani uitallren wall’u qavalallren, aquiviuli wall’uq akalriat tumyaraatni. Taugaam kalikanek ungangyukuvet aturciigaciiqellian imirikuvet kalikanek imirarkanek.
Kalikat tuyuqarkait tuyuqsugngait ukutnun:
- En’ailnguut uitaviat
- Agayuvik
- Yuut quyurrviat
Nallukuvet natmun ayagcetarkauciat una aturyugngaan: cucuklirvik nunarpagni cali nunacuarni (kass'atun).
Nugtartellrukuvet ak’a taugaam kalikanek imirillruluten
Cimiryukuvgu tuyuqarkaat kalikanek una paqcugngaan: kituggluku uitaviin tuyuqniaraatgen kalikanek (kass'atun). Nunat tamaklagmeng cimircecugngaa uitaviin una paqcugngaan: una neggniaran. Qayagauryugngaaten wall’u paqluki cucuklirviit cimiryarturyukuvgu uitaviin. Cimirraarluku cucukliryugngaciquten.
Ilaitni nunarpagni, uitaarkauguten uitavigni qavcini ernerni imirivailegpet kalikanek cucuklircuutnek. Apniaraten cucuklirviim calistai picirkiutnek.
Ikayuryukuvet imirillerkarpenek cali cucuklillerkamek
Ikayurcirluten imirillerkarpenek kalikanek wall’u cucuklircuutnek
Nunarpagpeci wall’u nunavceni ikayuryugngaatgen imirillerpeni kalikanek wall’u tuyuqevkaryukuvet cucuklircuutnek. Enailnguut-llu uitaviata cali ikayuryugngaatgen.
Kitumun agucelluten cucuklirvigmun
Cucuklirvigmun akiliryaraunak agyugngaciqsugnarquten, ikayuristenun wall’uq nunavceni ikayuritulinek akalriakun pitangqerqan. Cucuklirvik wall’u uitaviin apniaran.
Kalikanek imirarkanek piarkat
Makut nallunritarkaqaten imirikuvet cucuklircuutnek.
Kalikartanek unakiluten cucuklillerkarpenun taqvailgata
Nangyuituq imirillerkaq cucuklillerkam tungiinun. Nunarpagni ilaitni, 30 ernerni imiriyugngauten Cucuklillerkam Erenra tekipailgan. Allani nunarpagni imiriyugngauten kalikanek erenrani Cucuklillerkam. Cucuklillerkam Erenra nunavceni, nunarpagmi wall’uq anguygateni. Wani kangingivsiaryugngaan: Find voter registration deadlines in your state.
Cucuklircuuten Kalikaq
Kalikanek imirikuvet wall’uq camek cimiriqataquvet, cucuklitulit imirarkaitnek kalikaitnek tuyurciqliatgen. Uum kalikam cucuklircecugngaaten. Kalikaq una maliksaraitan cucukliqataquvet, taugaam ID-mek pingqerrarkauguten. Kalikaq unaksugngaan wani: state or local election website.
Kalikat imilten paqluki assirtassiigluki
Atren paqluku assirtassiigluku nani-llu uitaviin. State-ani ilaitni imirisqilartut qaillun cucuklillerkan tangerrluku. Wani paqcugngaan uitaviin: Select your state or territory kalikartat imirarkat paqluki nunavceni.
Imirarkaten qanerciqliut “calinrituq” cucukliqsailkuvet malrugni allrakugni cali kiuksailkuvki cucuklirviit qayagaullrit unakengnaqluten.
Cucukliryugtuten?
Cucuklillerkam picirkiutai ayuqenritut nunarpagni cali nunacuarni. Picirkirniartuten cucuklillerkarpet tungiinun.
Cucucklillerkaq tungaunani
Tamaklagmeng cucukliraqameng pilartut Cucuklirviim Erenrani cucuklirvigmi. Tekiskuvgu cucuklirvik, tangerciquten calistenek ikayuryugngaatgen. Picirkiutaitnek aturluten cucuklirciquten kamputelakun-llu piciqlilriit.
Nani cucukliryugngallren wani nalaqsugngaan: Find your voting location. Ikirtellrit cali patullrit ayuqsuitut nunani. Wani paqcugngaaten qaillun pilauciitnek nunavceni: state or local election office.
Cucuklirluten kalikatgun cali catailengerpet
Ilait nunarpiit cucuklircecilartut kalikatgun. Ilait-llu cataicessuutnek cucuklircuutnek cucukliqataquvet cataunak. Nunarpiit ellmeggnek picirkiurilartut, wani paqcugngaan piyugngallren: check to see if you’re eligible to vote by mail in your state.
Qaillun kalikatgun tuyullerkaa cucuklircuun:
- Kalikatgun: Ilaitni nunarpagni cali nunacuarni, tuyuqlarait cucuklircuutet kalikarcirluki tuyuqellerkaitnek. Ilait estaimpamek ilaluku ayagcecugngaan. Imirniaran atren tuyuqekuvgu cali nani uitalaucin.
- Tuyuqluku elpenek: Estaimparyaraituq nunavceni agucugngakuvciu cucuklirvigmun. Yaassiigmek aturluteng pilartut, taugaam uitaviit ayuqsuitut. Cucuklirvik nunavceni apniararci natmun pillerkaanek