መኖሪያ ቤት አልባ ሆኖ ስለመምረጥ

በዚህ ገጽ ላይ የሚገኘው መረጃ ቋሚ አድራሻ ለሌለው ለማንኛውም ሰው ነው፡፡ ብዙውን ጊዜ ከቦታ ቦታ የሚዘዋወሩ ወይም የነበሩበትን ስፍራ ለቀው ወደ አዲሱ መኖሪያቸው ከመድረሳቸው በፊት ላይ ይሉ ሰዎችበዚህ ስር ይካተታሉ፡፡ ምናልባት ኢንተርኔት ለእርስዎ ያለው ተደራሽነት የተገደበ ከሆነ፤ ምርጫን የሚመለከቱ መልሶች ለማግኘት ወደ አካባቢዎ የምርጫ መሥሪያ ቤት በአካል ሊሄዱ ወይም በስልክ ደውለው ጥያቄዎን ሊያቀርቡ ይችላሉ፡፡ የስቴትዎን ወይም የአካባቢዎን የምርጫ መሥሪያ ቤት በኦንላይን (በእንግሊዘኛ) አድራሻውን እና ስልክ ቁጥሩን ያግኙ ወይም ከአካባቢዎ ቤተ መጽሐፍት ተጨማሪ መረጃ ያግኙ፡፡

ምናልባት የቤት አልባዎች አገልግሎት ሰጪ ከሆኑ፤ United States Interagency Council on Homelessnessሰዎች እንዲመርጡ ለማገዝ ተጨማሪ ግብአቶች አሉት (በእንግሊዘኛ)፡፡ 

ለመመዝገብ ምን ያስፈልግዎታል

አንዳች ዓይነት መታወቂያ ያስፈልግዎታል

እያንዳንዱ ስቴት እና ግዛት የየራሱ የሆነ የመራጮች መለያ ደንቦች አሉት፡፡ ለመምረጥ ለመመዝገብ መታወቂያ ላያስፈልግዎ ይችል ይሆናል፤ ነገር ግን በብዙዎቹ ስቴቶች በአካል ለመምረጥ መታወቂያ ማምጣት አለብዎ፡፡ በኦንላይን አማካኝነት የስቴትዎን ልዩ የመታወቂያ መስፈርቶች ምን እንደሆኑ ማረጋገጥ (በእንግሊዘኛ) ይችላሉ፡፡ በተጨማሪ ለመመዝገብ እና ለመምረጥ ምን ዓይነት መታወቂያ እንደሚያስፈልግዎ ለማወቅ የአካባቢዎን የምርጫ መሥሪያ ቤት ሊጠይቁ ይችላሉ፡፡

ምናልባት መታወቂያ ካርድ ከሌለዎት ምን ሊከሰት ይችላል?

ምናልባት የማያሽከረክሩ እንኳን ቢሆኑ ከስቴትዎ የሞተር ተሽከርካሪዎች ቢሮ የመታወቂያ ካርድ ሊያገኙ ይችላሉ፡፡ መታወቂያ ካርድ ለማግኘት መክፈል ሊኖርዎ ይችል ይሆናል፤ ነገር ግን የመታወቂያውን ክፍያ ለመክፈል እንዲችሉ ሊያግዙዎ የሚችሉ ድርጅቶች አሉ፡፡ አንዳንድ ስቴቶች በተጨማሪ ለቤት አልባዎች መታወቂያዎችን በነጻ ወይም በቅናሽ ዋጋ ይሰጣሉ፡፡ 

የፖስታ አድራሻ ያስፈልግዎታል

ስቴትዎ ወሳኝ የምርጫ መረጃዎችን በፖስታ ሊልክልዎ እንዲችል የፖስታ አድራሻዎን መስጠት ይኖርብዎታል፡፡ የፖስታ አድራሻዎ ቋሚ የቤት አድራሻ መሆን የለበትም፡፡ ምናልባት ፖስታ ለማግኘት ቋሚ የቤት አድራሻ ከሌለዎ፤ የፖስታ አደራሻ እንዲሆንዎ ሌላ አድራሻ መጠቀም ይችላሉ፡፡

ሊጠቀሙባቸው የሚችሏቸው የፖስታ አድራሻዎች ምሳሌዎች፦

• በአሁኑ ጊዜ በዚያ እንኳን ባይኖሩ በቅረብ ያለ መጠለያ
• በቅረብ የሚገኝ የኃይማኖት ማዕከል 
• ጀነራል ዴሊቨሪ (በእንግሊዘኛ) ምናልባት የአካባቢዎ የፖስታ መሥሪያ ቤት የሚያቀርበው ከሆነ
• በሚኖሩበት አቅራቢያ የሚገኝ የፖስታ ቤት ሳጥን
• በቅርብ የሚኖር ጓደኛ ወይም የቤተሰብ አባል የቤት አድራሻ 

የሚኖሩበትን ወይም የሚተኙበትን ቦታ መግለጫ እንደ ቤት አድራሻ ሊጠቀሙበት ይችላሉ፤ ይህም ማለት ለምሳሌ ፓርክ ወይም የመንገድ መገናኛዎች ሊሆን ይችላል፡፡ ይህንን መግለጫ እንደ ፖስታ አድራሻ ሊጠቀሙበት አይችሉም። 

ምናልባት ከዚህ በሚከተሉት አድራሻዎች የሚኖሩ ከሆነ አሁን የሚኖሩበትን አድራሻ እንደ ሁለቱም ማለትም እንደ ቤት ወይም ፖስታ አድራሻ ይጠቀሙበት፦

• መጠለያ 
• ኃይማኖታዊ ማዕከል 
• ማናቸውም ሌላ የማኅበረሰብ ቦታ

ምናልባት የትኛውን አድራሻ መጠቀም እንዳለብዎ እርግጠኛ ካልሆኑ፤ ስቴት ወይም የአካባቢ የምርጫ መሥሪያ ቤት (በእንግሊዘኛ) ይጠይቁ፡፡

ምናልባት ለመምረጥ ከተመዘገቡ በኋላ የአድራሻ ለውጥ ካደረጉ

የቤት እና የፖስታ አድራሻዎን ለማዘመን (በእንግሊዘኛ) የአካባቢ የምርጫ መሥሪያ ቤትዎ ጋ መደወል ወይም በአካል መሄድን አይርሱ፡፡ ብዙዎች ስቴቶች በስቴት የምርጫ ድረገጽላይ አድራሻዎን እንዲቀይሩ ይፈቅዳሉ፡፡ ከዚህም ሌላ አድራሻዎ ላይ ለውጥ ለማድረግ የምርጫ መስሪያ ቤትዎ ጋ መደወል ወይም በአካል መሄድ ይችላሉ፡፡ አድራሻዎን ካዘመኑ በኋላ፤ በአዲሱ ቦታዎ መምረጥ ይችላሉ፡፡

በአንዳንድ ስቴቶች በዚያ ለመምረጥ ከመመዝገብዎ በፊት ለተወሰኑ ቀናት መኖር አለብዎ፡፡ የስቴትዎን የነዋሪነት ደንቦች በተመለከተ የአካባቢዎን የምርጫ መሥሪያ ቤት ይጠይቁ፡፡

ምናልባት በምዝገባ እና በምርጫ በማድረግ ላይ ተጨማሪ ድጋፍ ካስፈለገዎ

የመራጭ ምዝገባዎን ወይም በፖስታ ለመምረጥ ቅጽ ለመሙላት እገዛ ያግኙ

የስቴትዎ ወይም የአካባቢዎ የምርጫ መሥሪያ ቤት የመራጭ ምዝገባዎን ለመሙላት ወይም በፖስታ ለመምረጥ ጥያቄ እንዲያቀርቡ ሊያግዝዎ ይችላል። በአካባቢ ያለ የቤት አልባዎች መጠለያ ወይም ፕሮግራም በተጨማሪ ሊያግዝዎ ይችል ይሆናል፡፡

ወደ ምርጫ ቦታዎ ለመሄድ መጓጓዣ ያግኙ

በአካባቢ ቡድኖች ወይም በራይድ መጋራት አገልግሎት አማካኝነት ያለ ክፍያ ወደ ምርጫ ቦታዎ ሊሄዱ ይችላሉ፡፡ ስላሉዎት አማራጮች የአካባቢዎን የምርጫ መሥሪያ ቤት ወይም የአካባቢ መጠለያ ይጠይቁ፡፡