Cucuklillerkaq akngiritengqumangermi kina yuk

Cucukliquvet tungaunak wall’uq kalikatgun ayagcetarkatgun, ikayurarkaugaatgen pisciigalliqekuvet.

Cucuklirluten kalikartat imiriarkavnek iliitnek ikayuutngulriamek elpenun

Imiriluten imiriarkanek kamputelakun: Nunarpagni imiriarkarpenek cucuklillerkam tungiinun pivkaryugngaatgen kamputelakun. Cucukiu uitaviin nunarpak wani: Select your state tangerrniaran imiriyugngacin kamputelakun. Nunavci ikayurarkaugaaci pisciigalliqellriit-llu ilakluki wall’uq pisciigalliqenrilli.

Imiriluten kalikatgun tuyuqluku-llu: Ukut kalikat kamputelakun unaksugngaaceci print-arraarluki wani: National Mail Voter Registration Form nunani tamaklagni taugaam New Hampshire, North Dakota cali Wyoming pivkenateng. Kalikat allanek qaneryaranek imangqertut-llu. Ikayurcelluten ilavnun imirniaran piyukuvet.

Tungaunik imiriyugngauten: Anguyagtet caliviatni imiriyugngauten kalikanek makut ilakluki:

• Nunarpagni wall’uq nunavceni cucuklirviit caliviatni
• Akalrianek pitulit caliviatni nunarpagni
• Yugnek ikayuritulit cali pisciigalliqellriit caliviatni
• Kalikanek aulukitulit caliviatni
• Elitnaurvigni college-aani cali university-ni

Ikayurkarpenek maligluten piyugngauten imirikuvet kalikanek.

Iteryugngallerkarpet ikayuutngullra cucukliquvet tungaunak

Tungaunak cucukliquvet, iteryugngallerkarpet tungiinun apcugngaaten qacigtenrullerkaanun cucuklillerkarpet. Wani paqcugngaaten picirkiutet: Americans with Disabilities Act checklist on polling place accessibility kalikat makut qanruciiqatgen apyutengqerkuvet.

Yuvrivsiarutnguluku pisciigalliqellriit iteryugngallerkaata tungiinun makut picirkiutnguut:

• Ungungssit ikayutulit ikayurnarqellrianun
• Ikayurcirluten kitumun cucukliquvet (ataneqarkaunritan wall’uq calitulit union-aani)
• Mayurviim tuss’arain ikayurcuutait cucuklirvigmi
• Akalriat uitavigkait iteryunariluku cucuklirvik
• Kalikat cucuklircuutet naaqsunariluki
• Itervik cali amiiget cucuklirvigmi iqtuarkaugut 32 inches-aaq engelkarrluku
• Wheelchair-atgun iteryugngallerkaq cucuklirvigmun, iluanun cali elatiinun
• Atauciungraan cucuklircuutmek pisciigalliqellrianun pingqerrarkaugut cucuklirvigni. Tangerciigalnguut, takvialnguut wall’uq pisciigalliqellriit piyunarqellerkaitnun.
• Calistet ikayurarkaugaaceci aturcelluki picirkiurait cucuklirvigmi

Unaksugngaaten calistet cucuklirvigni nunarpagni wall’uq nunavceni wani: state or local election office uumi piiyuuteten uitaciqut. Qalaruskuvki qanrutniaraten camek piyullerpenek cucuklillerkarpet qacignaqlerkaanek. Cucuklircuutmek-llu apcugngaaten pingqerruciatnek yugtun wall’uq igarluten wall’uq niicesciigalnguut atutukiitnek qanercuutetgun.

If you learn that your voting location is not accessible to you, ask your election office about other available options. You may be able to:

• Cucuklirluten akalriatgun, picirkiutai wani paqcugngaaten: Vote through curbside voting, calistet cat piiyuuteten tunyugngai elpenun akalriarpenun-llu
• Cucuklirluten nani allami cucuklirvigmi iteryukngavni

Cucuklillerkaq kalikatgun ayagcetarkakun wall’uq catailkuvet qaillun cucuklillerkaq

Nunapagni, cucukliryugngauten catailengerpet, agesciigalliqekuvet-llu cucuklirvigmun, wall’uq cucuklillerkam erenrani natmun ayakataquvet, wall’uq cucukliryukuvet enevnek. Wani cucukliryugngauten: Ask for an absentee ballot in your state. Ilait nunarpiit cucuklilartut kiingan kalikatgun.

Ukut naspaatnguut nunarpagni cucukliryugngarivkarluki kalikatgun:

• Cucuklirceciluki kalikatgun naaqsugngalriakun, wall’uq niicugnissuutetgun
• Sign-aryugngarivkarluki kalikat kamputelakun
• Cucuklircecissuun unaksugngalria. Watnaaqavet cucukliryugngaciquten massiinatgun, print-arluku, ayagcelluku-llu cucuklirvignun wall’uq agulluku.

Cucuklillren ayagcecugngaluku piniartuten, kitumun-llu ikayurcelluten. Nunarpiit picirkiutait tangerrluki ayagcecugngaciqan kalikatgun, wall’uq kitumun agutevkarluku. Uuggun-llu piyugngaan: ​​Electronic ballot return nunarpavceni watnayugngaciqsugnarquci. Watnakuvet ayacecugngaan email-atgun, fax, wall’uq-am kamputelakun.

Ikayuutnguarkat cucuklilrianun pisciigalliqutengqellrianun

• Ukut qalarutniaraci: local election office kamputelaarrliqekuvci wall’uq unakesciigalkuvcitki kalikat cucuklirvigmi
• Ikayuritulinek calivignek unakiyugngauci nunavceni uuggun: National Disability Rights Network.
• Wani cali aturyukngaceci cucuklirarkarpeci tungiinun: list of more resources for voters with disabilities.

Kia qaillurraq pikaten wall’uq arenqiallugeskuvet pisciigalliqniluten cucuklirvigmi ukut qalarucugngaaten: report your experience qalarucugngaaten Ikayuritulit kalikartat aturluki (Department of Justice-aat)

Anguyagtet picirkiutaita ikayuryugngaiceci cucukliquvci

Picirkiutait anguyagtet ikayurilriaruut imirikuvet cali cucukliquvet Amiulikarmiut pisciigalliqellrianun. (Americans with disabilities)

• Amiulikarmiut Pisciigalliqellriit Picirkiutait
• Amiulikarmiut Cucuklircelluki Picirkiutait
• Nunarpakayiim Cucuklircelluki Kalikartanek Imiriluteng Picirkiutait
• Tegganret cali Pisciigalliqellriit Cucuklirviim Unaksugngallran Picirkiutait
• Cucukliryugngallerkam Picirkiutai

Elitnauvsiarluki anguyagtet picirkiutait ikayurluten cucuklillerkarpenun wani naaqsugngaaten: Know Your Voting Rights guide (PDF) Ikayuritulit Kalikartat Aturluki (Department of Justice).