Kalikartanek qaillun pillerkan cucuksugngaan
Nunarpiit cali nunacuaraat picirkiutengqertut allakarmeng cucukliryaram tungiinun. Watnayugngauten:
Kalikat imilten paqluki assirtassiigluki
Atren paqluku assirtassiigluku nani-llu uitaviin. State-ani ilaitni imirisqilartut qaillun cucuklillerkan tangerrluku. Wani paqcugngaan uitaviin: Select your state or territory kalikartat imirarkat paqluki nunavceni.
Imirarkaten qanerciqliut “calinrituq” cucukliqsailkuvet malrugni allrakugni cali kiuksailkuvki cucuklirviit qayagaullrit unakengnaqluten.
Atren cimiryukuvgu cucuklircuutet kalikaitni
Atren cimirraarluku nallunairarkaugatgen nunarpagpet wall’u nunavceni calistet uumi: Select your state or territory to update your information.
Nallunricetniaraten pisciigalivailegpet cimirarkaitnek. Tamaklagmeng ernerni iralum iluani 30 aturluku cucuklirarkaq tekipailgan nallunricetniaraten uitavivceni nunami, nunarpagni wall’uq anguyagtet caliviatni. Nunavceni aipaagni akalrianek aturyugngalriit (drivers license) wall’ ID-mek apciiqelliut kalikanek imirikuvet.
Cimirluku uitaviin kalikartaini cucuklircuutvet
Cimirarkaugaten kalikartaten cucuklirvigmi natmun nugtareskuvet, nunarpiim iluan-lli wall’uq allamun nunarpagmun nugtareskuvet, cucuklirvigmun piluten imiriniartuten kalikanek. Imiriniartuten pisciigalivailegpet iliini 30 ernerni pisciigalilartut Cucuklillerkam Erenra tekitaqan.
Cucuklirciigalliqekuvet imiriksailavet kalikanek cucuklillerkam-llu imirarkain erenra kiturluni, uitavilallerpet nunarpiim cucuklircecugngaaten, kalikat-ggun wall’u tungaunak. Anguyagtet atanerpiitnek cucukliqatanrilkata nunavet cucukliryugngavkarciqaaten. Kinguani, kalikanek imiriarkauguten nugtartellerpenun.
Wani nunarpak wall’uq nunacuar’ uitavigpet kalikartai nalaqsugngaaten:
Cucukluku nunarpak wall'u nunacuaraan.
Cucuklillerkaq uitalaquvet Amiulikaunrilngurmi
Amiulikarmiut ilakekuvki taugaam Amiulikami uitavkenak, imiriyugngauten cataicessuutnek cucuklircuutnek kalikartanek ukut imirluki: Federal Post Card Application. Anguyagtet ilakekuvki wall’uq anguyagtenguluten, Kalikartat Anguyagtet aturyugngaaten cataicessuutnek qanrulluki piyugniluten. Wani kangingevsiaryugngaaten: Federal Voting Assistance Program.
Cimiryukuvgu cucuklilaucirpet caucianek
Imirikuvet cucuklillerkam kalikainek, ilait nunarpiit apciiqelliatgen caucirpenek cucuklillerkam tungiinun. Nunarpagni wall’uq nunacuarni patumalartut cucuklirarkat waten: closed primaries, cucuklirceciiqaatgen elpet qaillun cucuklilaucin tangerrluku. Cucuklirpakata taugaam tamarmeng yuut cucukliryugngaut qaillun cucuklillratnek pivkenateng.
Cucukluku nani uitalaucin nunan-llu wani: Select your state or territory Cali qaillun cucuklilaucin kitugcukuvgu. Nunavni apciiqelliatgen ataam imirisqelluten cucuklirarkan tangerrluku, tungaunak cucuklirvigpeceni.
Kalikartanek unakiluten cucuklillerkarpenun taqvailgata
Nangyuituq imirillerkaq cucuklillerkam tungiinun. Nunarpagni ilaitni, 30 ernerni imiriyugngauten Cucuklillerkam Erenra tekipailgan. Allani nunarpagni imiriyugngauten kalikanek erenrani Cucuklillerkam. Cucuklillerkam Erenra nunavceni, nunarpagmi wall’uq anguygateni. Wani kangingivsiaryugngaan: Find voter registration deadlines in your state.
Cucuklircuuten Kalikaq
Kalikanek imirikuvet wall’uq camek cimiriqataquvet, cucuklitulit imirarkaitnek kalikaitnek tuyurciqliatgen. Uum kalikam cucuklircecugngaaten. Kalikaq una maliksaraitan cucukliqataquvet, taugaam ID-mek pingqerrarkauguten. Kalikaq unaksugngaan wani: state or local election website.
