បោះឆ្នោត​ក្រោយ​ការ​កាត់ទោស​បទ​ឧក្រិដ្ឋ

ព័ត៌មាននៅលើទំព័រនេះគឺសម្រាប់អ្នកដែលមានទោសឧក្រិដ្ឋ។ 

ប្រសិនបើអ្នកមានការផ្តន្ទាទោសពីបទឧក្រិដ្ឋ សិទ្ធិបោះឆ្នោតរបស់អ្នកអាចត្រូវបានស្ដារឡើងវិញ។ វាអាស្រ័យលើច្បាប់រដ្ឋ ឬដែនដីរបស់អ្នក និងព័ត៌មានលម្អិតនៃការកាត់ទោសរបស់អ្នក។ ទាក់ទងមេធាវី ឬឣ្នកតំណាងតុលាការរបស់អ្នក ដើម្បីបញ្ជាក់ថាអ្នកបានបញ្ចប់ការកាត់ទោសរបស់អ្នក និងបំពេញលក្ខខណ្ឌនៃការដោះលែងរបស់អ្នក។ អ្នកក៏អាចទាក់ទងក្រុមតស៊ូមតិក្នុងតំបន់ដែលធ្វើការជាមួយមនុស្សដែលធ្លាប់ត្រូវបានជាប់ឃុំពីមុនផងដែរ។ ពួកគេច្រើនតែមានមេធាវីជួយ។ 

សេចក្តីណែនាំរបស់ក្រសួងយុត្តិធម៌ចំពោះច្បាប់បោះឆ្នោតរបស់រដ្ឋបន្ទាប់ពីការកាត់ទោសព្រហ្មទណ្ឌ(ជាភាសាអង់គ្លេស) អាចជួយអ្នកឱ្យយល់អំពីសិទ្ធិបោះឆ្នោតរបស់អ្នក។ សេចក្តីណែនាំនេះក៍ផ្តល់ព័ត៌មានរដ្ឋដោយរដ្ឋអំពីឧក្រិដ្ឋកម្មជាក់លាក់ និងកត្តាផ្សេងទៀតដូចជាការដោះលែងសាកល្បង និងការដោះលែងដោយមានលក្ខខណ្ឌ ដែលអាចប៉ះពាល់ដល់សិទ្ធិបោះឆ្នោតរបស់អ្នក។ សេចក្តីណែនាំរបស់ The Department of Justice ក៏រួមបញ្ចូលផងដែរនូវព័ត៌មានសម្រាប់អ្នកដែលមានការផ្តន្ទាទោសក្រៅពីបទឧក្រិដ្ឋ ដូចជាបទមជ្ឈិម ឬការចាប់ខ្លួន។

ការចុះឈ្មោះបោះឆ្នោតមុនពេលអ្នកមានសិទ្ធិបោះឆ្នោតអាចបណ្តាលឱ្យមានការកាត់ទោសព្រហ្មទណ្ឌ។

ការណែនាំទូទៅដោយរដ្ឋ និងដែនដី 

រដ្ឋ និងដែនដីនីមួយៗមានច្បាប់ផ្សេងៗគ្នាអំពីការបោះឆ្នោតបន្ទាប់ពីការកាត់ទោសបទឧក្រិដ្ឋ។ នៅទីនេះអ្នកនឹងឃើញការណែនាំទូទៅអំពីលទ្ធភាពបោះឆ្នោតរបស់អ្នកបន្ទាប់ពីជាប់ពន្ធនាគារ។ ប្រហែលជាមានជំហានបន្ថែមដែលអ្នកត្រូវអនុវត្តដោយផ្អែកលើការផ្តន្ទាទោសរបស់អ្នក បទល្មើសឧក្រិដ្ឋ និងព័ត៌មានលម្អិតផ្សេងទៀតដែលជាក់លាក់ចំពោះស្ថានភាពរបស់អ្នក។