Hadafka
Vote.gov waa ishaada kamadambeysta ah ee lagu kalsoon yahay ee xagga akhbaarta ama macluumaadka codbixiinta. Iyada oo ay sababtu tahay in diwaangelintu ka dhacdo heer gobol, vote.gov waxay muwaadiniinta Mareykanka u tilmaameysaa qawaaniinta diiwaangelinta ee gobolladooda.
Ka sokow inay wadashaqeyn kala dhaxeyso Guddiga Caawinta Doorashada Mareykanka ee loo yaqaan (Election Commision Assistance) loona soo gaabiyo (EAC), vote.gov waxay kaloo si daahfuran ula shaqeysaa ururrada aan xisbina raacsaneyn (nonpartisan) oo ah ururro madax banaan iyo sida oo kale hawlwadeennada gobollada iyo kuwa maxalliga ah.
Taariikhda
Koox ka socota shaqaalaha USA.gov iyo Xeeldheerayaasha Waxcurinta ee Madaxweynaha Presidential Innovation Fellows ayaa vote.gov u soo hindisay qalab ama hab lagu diiwaan geliyo cod bixiyayaasha oo online ah laguna kalsoonaan karo. Vote.gov oo la aasaasay 2016-kii wuxuu awood siinayaa dadweynaha oo uu ka haqab tirayo macluumaad la xiriira codbixinta oo waqtiga la socda (up-to-date), ahna kuwo lagu hawl geli karo (actionable).
Maanta, kooxda (maamusha) vote.gov waxay sii ambaqaadayaan inay sii hagaajiyaan boga (website) si ay u gaadho yoolalka ku xusan Amarka Fulinta oo Hormarinaya Fududeynta Codbixinta ee 2021 Executive Order, Promoting Access to Voting ee ka yimid xagga iyo Madaxweyne Biden. Yoolalkani waxaa ka mid ah sida loo heli karo (accessibility), looguna tarjumi karo erey bixinta cod bixiyayaasha luqadaha muhiimka ah, iyo loona hagaajin karo howsha baaritaanka ee boga (website)