Codeynta ardayda kuleejka

Diiwaangelinta codbixintaada waxay ku xirantahay halka aad ku nooshahay. Arday ahaan, guud ahaan waxaad iska diiwaan gelin kartaa inaad ka codeyso magaaladaada hooyo ama halka aad kuleejka ka dhigato, iyadoo ku xiran shuruudaha deganaanshaha ee gobolkaaga. Xusuusnow: waxaad ku noolaan kartaa meelo kala duwan, laakiin waxaa kaliya laguu ogolyahay inaad hal meel ka codeyso.

Kala dooro magaala-deegaanka ama magaalada kuleejka

Haddii aad kuleejka ka dhigato magaalo ka duwan magaala-deegaanka, waa kan waxa laga yaabo inaad tixgeliso marka aad go'aan ka gaarayso halka aad ka codeyso:

• Waa kee meesha kugu habboon?
• Yaa musharax ku jira cod bixinta meel kasta?
• Ma jiraan siyaasado maxalli ah ama arrimo gaar ah oo muhiim kuu ah meel kasta?

Diiwaangelintaada codbixinta ma saamayn doonto kaalmadaada dhaqaale ee federaalka, oo ay ku jirto Foomka Bilaashka ee Codsiga Kaalmada Ardayda ee Federaalka (FAFSA), deeqaha Pell, ama deynaha Perkins ama Stafford. Waxay saameyn kartaa in laguu tixgeliyo lacagta waxbarashada ee gobolka gudihiisa.

Codeynta magaala-deegaanka

Xitaa haddii aad waxbarashada ku maqnaato inta badan sannadka, waxaa laga yaabaa inaad haysto ikhtiyaarka inaad magaaladaada hooyo ka codeyso. Waa kuwan waxa maskaxda lagu hayo:

• Iska diiwaangeli inaad ka codeyso cinwaankaaga joogtada ah ee magaaladaada hooyo. Adeegso cinwaanka kuleejkaaga sida cinwaanka boostada ee diiwaangelintaada.
• Gobollo badan ayaa kuu oggolaanaya inaad codsato warqadda codbixinta boostada haddii aadan awoodin inaad qof ahaan ka codeyso. Gobollada qaarkood waxay si otomaatig ah ugu diraan codbixiyayaasha oo dhan warqad codbixin. Gobol kasta waxa uu leeyahay tilmaamo u gaar ah, sidaas darteed hubi inaad aragto waxa sharciga ka jira gobolkaaga ama deegaankaaga (Oo Af-Ingiriisi). Waxaad u diri kartaa warqadda codbixinta boostada cinwaanka kuleejkaaga.

Haddii aad joogto magaala-deegaanka inta lagu jiro doorashada, waxaad sidoo kale dooran kartaa inaad qof ahaan ka codeyso. Adeegso goobaha laga codeeyo (Oo Af-Ingiriisi) si aad u ogaato halka lagaa rabo inaad ka codeyso maalinta doorashada ama ka hor.

Codeynta magaalo kale oo ku taal gobolkaaga

Haddii aad dhigato kuleej ku yaal gobolkaaga ama deegaankaaga, laakiin magaalo kale, waxaa laga yaabaa inaad haysato ikhtiyaarka inaad halkaas ka codeyso. Waa kuwan waxa maskaxda lagu hayo:

• Haddii ay tahay markii ugu horreysay ee aad isdiiwaangeliso si aad u codeyso, hubi shuruudaha deganaanshaha ee codbixinta ee gobolkaaga. Waxaa laga yaabaa inaad deganaato magaalada kuleejkaaga muddo maalmo ah ka hor inta aadan iska diiwaan gelin halkaas.
• Ka dib markaad xaqiijiso u-qalmitaankaaga, waxaad isdiiwaan gelin kartaa adigoo isticmaalaya cinwaanka waddada ee dhismaha aad ku nooshahay, gudaha ama bannaanka xerada. Ha isticmaalin sanduuqa boostada ee xerada si aad isu diiwaangeliso, laakiin waxaad u isticmaali kartaa sanduuqa boostada xerada sida cinwaanka boostadaada. Haddii aadan hubin cinwaanka aad isticmaali karto, la xiriir xafiiska ku lugta leh arrimaha bulshada ee dugsigaaga ama xafiiska doorashada maxalliga ah.
• Haddii aad horey uga diiwaan gashan tahay magaaladaada hooyo, cusboonaysii diiwaangelinta codbixintaada adigoo isticmaalaya cinwaanka kuleejkaaga. Wixii talo dheeraad ah oo ku saabsan cinwaanka aad isticmaali karto, la xiriir xafiiska doorashada maxalliga ah (Oo Af-Ingiriisi).
• Haddii aad awood u leedahay inaad u safarto magaaladaada hooyo intii lagu jiray codbixinta horudhaca ama maalinta doorashada, isticmaal goobaha laga codeeyo (Oo Af-Ingiriisi) si aad u ogaato halka lagaa rabo inaad ka codeyso.
• Gobollada qaarkood waxay kuu oggolaanayaan inaad codsato cod-bixin maqan ama cod-bixin boosto haddii aadan awoodin inaad qof ahaan ka codeyso ama aad doorbideyso inaad codkaaga boostada ku dhiibto. Gobollo qaarkood doorashooyinka waxay ku qabtaan si buuxda boosto. Gobol kastaa waxa uu leeyahay tilmaamo u gaar ah, sidaas darteed hubi inaad aragto sharciga ka jira gobolkaaga ama deegaankaaga.

Codeynta magaalada kuleejka ee gobolka ka baxsan

Haddii aad dhigato kuleej ku yaal gobol ka duwan gobolkaaga hooyo, waxaad haysataa doorashooyin inaad halkaas ka codeyso. Waa kuwan waxa maskaxda lagu hayo:

• Gobollada qaarkood, waa inaad deganaataa gobolka muddo maalmo ah ka hor intaadan isdiiwaan gelin si aad halkaas uga codeyso. Hubi shuruudaha deganaanshaha ee codbixinta bogga xafiiska doorashada (Oo Af-Ingiriisi) ee gobolka kuleejkaaga.
• Ka dib markaad xaqiijiso u-qalmitaankaaga, isdiiwaangeli si aad uga codeyso gobolka kuleejkaaga. Waxaad isdiiwaan gelin kartaa adigoo isticmaalaya cinwaanka waddada ee dhismaha aad ku nooshahay, gudaha ama bannaanka xerada. Ha isticmaalin sanduuqa boostada ee xerada si aad isu diiwaangeliso, laakiin waxaad u isticmaali kartaa sanduuqa boostada xerada sida cinwaanka boostadaada. Haddii aadan hubin cinwaanka aad isticmaali karto, la xiriir xafiiska ku lugta leh arrimaha bulshada ee dugsigaaga ama xafiiska doorashada maxalliga ah.
• Ma isdiiwaan gelisay si aad uga codeyso gobolkaaga hooyo, laakiin waxaad rabtaa inaad beddesho diiwaangelintaada si aad uga codeyso gobolka kuleejkaaga? Gobollo iyo degmooyin badan uma baahna inaad joojiso diiwaangelinta codbixintaada ka dib markaad guurto. Laakiin gobollo badan iyo xafiisyada doorashada ee maxalliga ahi waxay haystaan ​​fowrmooyin aad gudbin karto si aad u joojiso diiwaangelintaada. Ka hel xafiiska doorashada gobolkaaga ama deegaankaaga (Oo Af-Ingiriisi) si aad u hesho foomamka joojinta codbixinta.

Codeynta inta aad dibadda wax ku baranayso

Waxaad ka codeyn kartaa meel kasta oo adduunka ah haddii aad tahay muwaadin Mareykan ah. Wax badan ka baro codeynta inta aad dibadda joogto (Oo Af-Ingiriisi).